Pope Francis
Syro Malabar Liturgy Commission Logo
Mar George Cardinal Alencherry

Syro Malabar Commission for Liturgy

DAILY READING


  • എഫേ 6:1-9 പ്രവൃത്തികള്‍ക്കു തക്കപ്രതിഫലം
  • കുട്ടികളേ, നിങ്ങളുടെ മാതാപിതാക്കന്‍മാരെ കര്‍ത്താവില്‍ അനുസരിക്കുവിന്‍. ഇതു തീര്‍ച്ചയായും യുക്തമാണ്. നിന്‍റെ പിതാവിനെയും മാതാവിനെയും ബഹുമാനിക്കുക: ഇതാണ് വാഗ്ദാനത്തോടുകൂടിയ ആദ്യത്തെ കല്പന. നിനക്കു ക്ഷേമവും ഭൂമിയില്‍ ദീര്‍ഘായുസ്സും ഉണ്ടാകാനാണിത്. പിതാക്കന്മാരേ, നിങ്ങളുടെ മക്കളെ പ്രകോപിപ്പിക്കരുത്; പ്രത്യുത, ശിക്ഷണത്തിലും കര്‍ത്താവിലുള്ള പ്രബോധനത്തിലും അവരെ വളര്‍ത്തുക. അടിമകളേ, മിശിഹാ യെയെന്നപോലെ, നിങ്ങളുടെ ഭൗതികയജമാനന്മാരെ ഭയത്തോടും വിറയലോടുംകൂടെ നിങ്ങളുടെ ഹൃദയത്തിന്‍റെ ആത്മാര്‍ത്ഥതയില്‍ അനുസരിക്കുവിന്‍. കണ്‍മുമ്പില്‍ മാത്രം സേവചെയ്ത് മനുഷ്യരെ പ്രീണിപ്പിക്കുന്നവരെപ്പോലെയല്ല; മറിച്ച്, ഹൃദയപൂര്‍വം ദൈവത്തിന്‍റെ ഹിതം അനുവര്‍ത്തിക്കുന്ന മിശിഹായുടെ ദാസന്മാരെപ്പോലെയാകുവിന്‍. മനുഷ്യര്‍ക്ക് എന്നപോലെയല്ല, കര്‍ത്താവിന് എന്നപോലെ, നല്ല മനസ്സോടെ സേവനം ചെയ്യുവിന്‍. ഓരോരുത്തനും, അടിമയാകട്ടെ സ്വതന്ത്രനാകട്ടെ, നന്മ ചെയ്താല്‍ കര്‍ത്താവില്‍ നിന്ന് പ്രതിഫലം സ്വീകരിക്കുമെന്ന് അറിഞ്ഞുകൊള്ളുവിന്‍. യജമാനന്മാരേ, ഭീഷണി ഉപേക്ഷിച്ചുകൊണ്ട്, ഇവ തന്നെ നിങ്ങളും അവരോടു ചെ യ്യുവിന്‍. അവരുടെയും നിങ്ങളുടെ യും കര്‍ത്താവ് സ്വര്‍ഗത്തിലാണെന്നും അവിടത്തേക്ക് മുഖംനോട്ടമില്ലെന്നും അറിഞ്ഞുകൊള്ളുവിന്‍.
  • മര്‍ക്കോ 12:35-40 ഈശോ നിയമജ്ഞരെ വിമര്‍ശിക്കുന്നു
  • ദേവാലയത്തില്‍ പഠിപ്പിച്ചുകൊണ്ടിരുന്നപ്പോള്‍ ഈശോ ചോദിച്ചു: മിശിഹാ, ദാവീദിന്‍റെ പുത്രനാണെന്ന് നിയമജ്ഞര്‍ പറയുന്നതെങ്ങനെ? പരിശുദ്ധാത്മാവില്‍ ദാവീദു തന്നെ പറഞ്ഞിട്ടുണ്ട്: കര്‍ത്താവ് എന്‍റെ കര്‍ത്താവിനോട് അരുള്‍ചെയ്തു, ഞാന്‍ നിന്‍റെ ശത്രുക്കളെ നിന്‍റെ പാദങ്ങള്‍ക്കു കീഴിലാക്കുവോളം നീ എന്‍റെ വലത്തുഭാഗത്ത് ഉപവിഷ്ടനാകുക. ദാവീദുതന്നെ അവനെ കര്‍ത്താവ് എന്നുവിളിക്കുന്നു. പിന്നെ എങ്ങനെയാണ് അവന്‍ അവന്‍റെ പുത്രനാകുന്നത്? വലിയ ജനക്കൂട്ടം സന്തോഷപൂര്‍വം അവനെ ശ്രവിച്ചു. അവന്‍ ഇങ്ങനെ പഠിപ്പിച്ചു: നിങ്ങള്‍ നിയമജ്ഞരെ സൂക്ഷിച്ചുകൊള്ളുവിന്‍. നീണ്ടമേലങ്കികള്‍ ധരിച്ചു നടക്കാന്‍ അവര്‍ ആഗ്രഹിക്കുന്നു; കൂടാതെ, പൊതുസ്ഥലങ്ങളില്‍ അഭിവാദ്യവും സിനഗോഗുകളില്‍ ഉന്നതപീഠങ്ങളും വിരുന്നുകളില്‍ പ്രമുഖസ്ഥാനങ്ങളും. എന്നാല്‍, അവര്‍ വിധവകളുടെ ഭവനങ്ങള്‍ വിഴുങ്ങുകയും ദീര്‍ഘമായി പ്രാര്‍ത്ഥിക്കുന്നെന്നു നടിക്കുകയുംചെയ്യുന്നു. ഇവര്‍ക്ക് കൂടുതല്‍ കഠിനമായ ശിക്ഷാവിധി ലഭിക്കും.
    Sl. No Name Actions
    1 Panchangam Malayalam 2019 View Download
    2 Panchangam Malayalam 2020 - 2021 View Download
    3 Panchangam Short 2020 - 2021 View Download